圖文 Words & Graphics

- Kyoto - 京都 -2016-

作為一個東京愛好者,對於關西地區的了解並不多。概念中只有神社、亭台樓閣和綠茶。就連最近的記憶都已經是小學二年級時,在清水寺買了一個書包型狀的學習御守,以為有了這個御守的疪祐就會科科100分,怎知道分數還是提不起勁(笑)。但因為一次機會令我重臨舊地,可能人長大後體會不同,慢慢發現除了東京的繁華,京都的恬靜也十分迷人。

其實今次在京都的旅程只有半日,匆匆忙忙地走過幾個神社、但印象比我在東京加起來的日子還要深刻。其中一個原因是京都政府對建築物和廣告牌的顏色有特定要求。在日本這個資訊發達的國家,琳琅滿目的廣告牌可以説是他們現代文化,但這個擁有一千多年歷史的古鎮跟廣告牌可以說是格格不入,而為保持古色古香環境,政府增設了《京都市室外廣告物條例》,限制廣告的高度大小等物理條件。因此你不會在京都大街小巷看見鮮色又巨大的新垣結衣或二宮和也,跟密集東京有強烈的對比,也是京都對歷史的尊重和吸引的地方。

這就是日本人保護自身文化的方法,反觀香港真的無顏面比下去。

京都的第一站是嵐山,而最著名的是嵯峨野竹林,這裏也是《藝妓回憶錄》和《臥虎藏龍》的取景地。從源天龍寺大街直行就能到達竹林的小入口,入口雖小但一走入繁林後當下豁然開朗。當站在嵯峨野竹林的中心望四周是找不到盡頭,可見森林多廣。翠綠的竹支筆直地站立著,雄偉得如一班精鋭的士兵緊守崗位,為的是保護林中的六位神祇,分別為一野宮大神(天照皇大神)、野宮大黑天、白福稲荷大明神、愛宕大神和白峰弁財天。

左野宮神社中,野宮大神(即天照皇大神)是掌管健康及智慧的神祇,同時是日本神祇中最大的一位,傳說他就是日本天皇的祖先;野宮大黑天是ㄧ位財神,同時也是一位締結良緣神祇,去參拜的時候ㄧ定要摸一下旁邊會帶來好恩緣的「龜石」;白福稲荷大明神是掌管子孫繁衍、生產順利、事業亨通的神祇;愛宕大神是火伏・防火之神;和白峰弁財天(迦具土),他是一位火神,但同時也是掌管藝能的神,如果你是藝者就必需到他那裏參拜哦!因為神祇眾多,不要拜錯(笑)。

當我每一次到不同神社,都會購入不同類別的御守,今次​​在野宮神社就入手一個交通安全御守送給朋友,求保佑他行車安全(雙手十合)。看著看著原來這小東西也很可愛,早知道多買一個(淚飆)(其實御守是需要歸還的,不要只管收藏面不還神)。

辦好正經事後,就向竹林的岀口一直走去,因為自由放風時間只有一小時(天啊只有一小時可以做些甚麼),因此我的目標是十分明確:首先要到竹林岀口吃那但四種味道的雪糕!這家店生意真的很好,一來位於主要通道的岀口,二來那四合一雪糕真的很吸引!四種味道分別是栗子、烏龍茶、綠茶和雲呢拿,「從來未係香港食過咁好食嘅茶味雪糕!」這就當然,因為這裡是京都。

食飽後只餘下30分鐘,真的希望大家去日本時不要跟團,因為時間太少會錯過很多東西。特別介紹這一家菓子店,因為這裏有超多不同味道的金平糖!當平平無奇的冰糖換上不同顏色的妝容,穿上華美的服飾,由超市15蚊三盒搖身一變成400円一小盒!只可以講,日本人在包裝上的功夫是超了得的……



原文網址:Meer aus Farben

行程規劃 October with BTS World Tour Day1-3 Roma

Berlin Brandenburger Tor
Berlin Brandenburger Tor

我承認我係癲嘅,我係丫我認。自從上一次係大阪買到防彈德國場演唱會飛後,就可以完全證實我患有嚴重防彈少年團上癮症。其實只係想見呢七條仔一面,但韓國場真係好難買,但又唔可以唔見,所以要逼住我坐飛機去歐洲⋯⋯ 追佢地真係辛苦丫……

就係呢7條仔搞到我要飛去柏林
就係呢7條仔搞到我要飛去柏林……

回歸原點,今次主菜係假於柏林 BTS WORLD TOUR ‘LOVE YOURSELF’ 2018,但唔知點解十月去柏林嘅機票超級貴,所以只可以去周邊國家然後再飛過去。

4 年前我去過嘅華沙火車站
4 年前我去過嘅華沙火車站

係Skyscanner睇左足足兩個月,價錢最平嘅只有坐國航去羅馬/華沙。老實講,根本三個城市我都好唔中意,特別係華沙,個個人塊面都好似死左老豆咁黑;羅馬唔洗講,一個混亂嘅城市、九個巴士站用同一個名、扒手多治安差,簡直係一個犯罪嘅天堂;柏林……純粹因為我崇尚西德^_^; 最後因爲意大利國土加持所以選擇左罪惡之城羅馬。

沙地標 - Palac Kultury i Nauki
華沙地標 - Palac Kultury i Nauki

買機票當時,我當然唔知道原來國航嘅飛機師會係飛機裹面食煙,所以買左🤦🏻‍♀️由香港岀發去北京,再由北京轉機去羅馬,價錢只係HKD3,4XX。真心好平,買完一剎那就好似執到金一樣,同時希望我地班機冇人會係機艙食煙……

比多張柏林相你睇
比多張柏林相你睇

Day 1 Roma

到達羅馬嘅時間應該係晚上八點。由羅馬岀機場有兩個選擇:一係坐巴士,一係坐地鐵,但因為經歷過九站同名後,我應該會選擇坐地鐵。住宿:係羅馬火車總站嘅一間Hostel,評分奇低但勝在價錢夠平,一晚大概百幾蚊港幣跳樓價。我地只為左有個地方放行李,夜晚放個人,所以係上佳嘅選擇。晚餐我都諗好,就係去食鬥獸場外面嘅kebab,睇到夜景又食到平野,幾好~

Day 2 Roma

市內交通係一個大問題,但我當然有旁門左道可以解決,呢個你就要等睇我10月點做啦(^_^)v 隨便行下諸神廟,許願池,古羅馬遺跡咁啦,最重要當然去買草意大利終於開放娛樂用大麻,只要度數唔高過0.6就任你買任你食,令意大利呢個國家更接近天堂!

Day 3 Roma

市內交通 – 去梵帝崗:四年前我因爲係主日去,所以梵帝崗博物館冇開,今次一定要去左先離開!玩到四點就返羅馬、夜晚九點機上柏林,聽說Ryan Air上星期又岀事故。唉唔X驚!嚇唔到我嘅!晚上十一點到垃圾首都。

待續……

原文網址:Meer aus Farben

行程規劃 October with BTS World Tour Day 4-9 Berlin München Florence

Marienplatz München
Marienplatz München

歐洲廉價航空係迷一般嘅存在,Ryan Air 同 EasyJet 嘅價格更加係迷中之迷。分享一下上年我買機票嘅經驗,3/2017我係Ryan Air買左張由Malta返Trapani嘅機票,特價12歐一個人。係丫你冇睇錯,係當時港幣100蚊,但我個行李竟然要收我18歐,即代表我平過個行李🤷🏻‍♀️

那日早上我在 Malta 坐上開往 Trapani 的 Ryan Air
那日早上我在 Malta 坐上開往 Trapani 的 Ryan Air

而今次上柏林,我首先做左一個好錯嘅决定,就係見到特價冇即時買⋯⋯其實Ryan Air特價係有季節性,以我所知每年3月6月7月都會有特價,所以上年去Trapani程飛機係特價(但呢個航線好似已經冇左);而今年3月,我係rome8rio睇到飛柏林、星期一早上八點幾果班機係港幣200幾蚊⋯⋯但我冇及時買⋯⋯一個星期後個價位就立即跳返上700幾蚊而且再冇做特價⋯⋯果下我真係後悔到跳樓⋯⋯所以唯有坐夜晚九點果班機,其實唔係錢嘅問題反而係擔心去到柏林排唔切演唱會條隊入場咋(;´༎ຶД༎ຶ`)

2014 Taylor Swifts Red World Tour in Berlin
2014 Taylor Swifts Red World Tour in Berlin

Day 4-5 Berlin

呢兩日冇行程可言,就係排隊等入場排隊等買Goods⋯⋯你當我冇去過柏林旅行啦!

今次場館 - Mercedes-Benz Arena Berlin 坐落於Warschauer Straße、柏林圍牆附近,咁當去左一個景點啦🤷🏻‍♀️

畫花左嘅兄弟之吻
畫花左嘅兄弟之吻

Day 6 München

一個任性嘅行程-返München。每次去歐洲都要返一返去,雖然今次冇時間見任何朋友但都想返去飲杯啤酒食隻豬手買排朱古力。

德國版Loft
德國版Loft

以前由Berlin落München我地會坐通宵Flixbus,夜晚十一點坐到第二朝七點。本身都諗住咁樣做,但我又屎忽痕想望下DB BAHN有冇平嘅機會,點知真係有😂 從來冇諗過有機會坐ICE(全歐最快火車)落München,但原來早買係可以夢想成真。早上0534由 Berlin HBF. (tief)(tief係地下月台,所有遠程火車都係地下月台開岀),0850到Nürnberg HBF. 轉車,1007到München HBF. 先係19.9歐,唔使捱巴士坐通頂,一流!

今次一回有幾件事做,(1)買筆買紙;(2)食TEA;(3)買朱古力; and (4)食 Augustiner。

Augustiner Helles
Augustiner Helles
慕尼黑米豬連餐廳

然後同一日坐Flixbus落Florence。 我知道呢排有新聞話Flixbus比人夾硬開行李門搶行李,坐巴士好似好危險咁,但其實唔關巴士事,地方先係問題。巴黎本身就係一個超級危險嘅城市,一啲都唔浪漫,如果你要係巴黎同我求婚係一定唔會應承🤷🏻‍♀️ 治安太亂太多窮人,佢地窮起上黎真係會明搶,所以可以唔去巴黎就唔好去啦。在此要為Fixbus平反。

Flixbut to Berlin

係啦,我地係會超任性即日落Florence,夜晚 München ZOB 十點巴士,第二早六點鐘就到Florence,慳左住宿費仲落得返意大利真係不得了。

Day 7-8 Florence

Florence我真係未去過,而聽聞呢度最岀名就係羅白歐與朱麗葉同Outlet,呢兩日都係舒舒服服咁行下睇下野。

原日 Day 8 就要落返羅馬返香港

我地會係Florence坐四點火車到羅馬火車站,再去羅馬FCO機場去北京,第二日就由北京返香港,完成我地9日追BTS之旅。

我愛防彈

老實講,其實我睇見都覺得好累(;´༎ຶД༎ຶ`)

但好彩我地後生嘛,故事詳情,就等十月睇我嘅Blog Live啦

~完~

原文網址:Meer aus Farben

絕望元年 Hopeless Century

當我以為已經絕望夠了
原來還可以更加絕望。

你離開之後,
帶給我那錐心刺骨的痛,
再多的淚水與失眠也不能驅散那種痛。
當我體會過那種痛,
原來就已經知道愛得特别深刻。
恐怕世上前無古人,後無來者,
只有你才能帶給我那極度痛楚。

盟誓已不再存在、人物角色已更改,
我也不願放手那回不去動人的時光,
寧願沉浸在痛楚中,無限輪迴。

畢竟人也是有感情的動物,
任我再抓緊回憶,還是不甘寂寞。
所以我偶爾也想找個人陪伴,
也想隨便的跟他熱吻。
沒錯,試是試過,
但始終忘不了前度。
我用盡了一切辦法,
看來連最管用的時間也起不了作用。

愛情中常說的永遠,到底有多遠?
這個詛咒,要何時才能解開?
要經過多少年才能回復心境?
萬一解不了的話,我又甘心這樣沉淪下去?
一切都只是一個謎…

不 Not to…

不管了……
無奈充斥著我們的身邊,
身邊的壓力如泉湧般將我包圍、如洪潮、如旋渦。
陽光似是深海中的珍稀品,夢幻而飄渺。
而我的手卻妄想能抓著、抓著那希望的光線。

不想了……
人生下來渺無煩憂,為何此刻的我卻海裡尋求因由?
思緒像停不下的浪潮翻滾。
上天也為我吹起號角,
讓風雷雨不停歇的為這個思緒的大海更見洶湧。

不等了……
等待是因為值得,然而柠立在這裡也只是空等。
與其沒有結果,是甚麼讓我要繼續等下去呢?
既然要找的陸地不在這裡,
在這片海也沒有快樂這回事。

不要不快樂……
我知道蒼天能聽見,
請憐憫在海裡浮沉的我,
好好地享受風暴消除的朝陽。

放手了、忘記了、向前走,
才能在現在的魅幻中從新出發,
讓快樂回歸這浩翰的大洋暢泳。

圖片經發佈者 @bigking321 允許使用
Idea Inspire by @bigking321
文字創作 by 玄 @2018Jul23

橋下的弧線 The Arc Behind Bridge

橋下的弧線

用來具象化人類之間的關係,用點和線來表示應該是最清楚吧?

沙頭角、牛頭角、北角、荔枝角……

作為一個澳門土生土長的宅男,在香港面對這些複雜的地方名稱還真的令我頭痛得很呢!

然而,在這裡走著,卻沒有一絲令人猶豫的陌生。看著巴士站上的路牌是寫著「創紀之城」,我不太懂這是甚麼;但我知道這是曾經大伙兒走過的路、那別離的路、那個叫牛頭角的一段路。

牛頭角,應該是我第三次的來到這裡。第一次是我和你並肩走、第二次是我們大伙兒一起走、這次是我一個人在走。

曾經的存在重叠在眼前的軌跡,幾年以來,這段路仿似沒甚麼變化,只是大家各散東西罷了。

那晚午夜,大家就成了分飛燕,各自為自己的生存戰鬥、各自為自己的未來奮鬥。

走著走著,忽然有點想你了呢!你最近過得怎麼樣?

願後來的我們都是幸福快樂的童話故事主人公。願看著同一個月亮的我們在空閒時掂記對方的曾經。

回憶,永遠是最美的對吧?

天翔 玄 書於冬青新月下

以此獻給時間的弧線,曾經活躍於網絡遊戲瑪奇貝婷伺服器第九分流的休閒公會。